Nazioarteko proiektuak CIFP Bidasoa LHIIren plan estrategikoaren zati garrantzitsu bat dira. Gure ikasleek DUAL prestakuntza edo enpresa-praktikak Europar Batasuneko beste herrialde batzuetan egiteko aukera dute.

Proiektua idazten hasten den unetik bertatik hasten dira proiektuak zabaltzen. Bekak eskatzen dira eta zabalkunde-prozesua, parte-hartzaileen hautaketa, beken esleipena eta mugikortasunak hasi arteko xehetasun praktiko guztietan laguntza hasten da. Hautaketa-prozesuan tutoreek eta zikloetan inplikatutako irakasleek, ikastetxeko zuzendaritzak eta Europako proiektuak koordinatzeko taldeko kideek hartzen dute parte.

Ikasleei aldez aurretik jakinaraziko zaie hautaketa prozesua. Ikasleek 12 asteko egonaldia egin beharko dute, Bidasoan ikasitako zikloarekin lotura zuzena duen enpresa batean, curriculumaren arabera. Mugikortasuna amaitutakoan, ikasleek derrigorrezko praktikaldia edo prestakuntza DUALA baliozkotu ahal izango dute, eta dagokion heziketa-zikloaren titulua lortu. Esperientzia horien bidez, komunikazio-gaitasunak eta gaitasun profesionalak hobetzea, etengabeko ikaskuntzaren beharra sustatzea, gaitasun pertsonalak indartzea (ekimena, autonomia, ingurune berri batera egokitzeko gaitasuna) eta hizkuntzen eta kulturen ikaskuntza sustatzea, hezkuntzaren zati integral gisa. Mugikortasunean lortutako esperientziak areagotu egiten ditu gure ikasleek lan egokia lortzeko, laneratzeko eta enpresa baten barruan egin beharreko lanen aurrean egokitzeko dituzten aukerak.

Irakasleei zuzendutako proiektuen helburua da lanbide-heziketaren eta hainbat herrialdetako enpresen arteko lankidetza sustatzea; ikasgelan landutako edukiak eta gaitasunak enpresen errealitatera hurbiltzea; hobetzea eta lankidetzan aritzea Europa berritzaileago eta lehiakorrago baten hazkunde ekonomikoa bultzatzeko.